當我以為一個完美約會係要節目豐富，原來錯了。
人愈大，本來對大時大節失去期待，唯獨跟她有關嘅日子，大家卻愈來愈重視。
就算我係個非常懶惰嘅男朋友，口裡說麻煩，但都期待每個紀念日、情人節、白色情人節。
因為可以有個原因，畀我哋「好好咁拍拖」。
上次問過女友：「我哋最難忘嘅一次約會係點？」
佢話，唔係為食好嘢、唔係瘋狂Shopping，純粹希望同對方一齊，兩個人就係約會嘅主角。乜都唔去諗，唔會掛住玩手機，而係專心同對方傾偈。
兩個人每分每秒都甜笑住。
然後，我應承佢，喺3.14嘅白色情人節，同佢再次實現難忘嘅浪漫約會。
「咪住先，你知唔知點解要慶祝白色情人節㗎？」女朋友問。
「知⋯⋯！咪因為要送呢份小禮物畀妳。」我遞上一粒雪莎，情境同上次約會一樣，我偷偷喺佢屋企樓下出現，再送上驚喜。
「今日無論咩事，都唔可以鬧交，知唔知？」女朋友提出，我再一次答，知。
呢個係我哋嘅約定，每當大家都悉心預備某一次約會，脾氣同耐性都要大大提昇，絕不能因為一個小錯誤而影響呢個Big Day。
雖然係Big Day，但女朋友在意嘅係細節，由我主動拖起佢隻手，再𡃶佢塊面一啖，展開浪漫嘅序幕。
成日都話，啲女人真係麻煩，只係著眼啲細位。
因為愛情同其他感情嘅分別，就在於呢啲窩心嘅細節。去一間好好食嘅餐廳，同朋友可以；去一個好特別嘅地方旅行，同朋友可以；而兩個人喺埋一齊，就係令簡單平凡嘅情節變成童話。王子救公主，都只係一個吻。驚天動地，可以因為一個小浪漫。
老實講，拍拖去街都去到悶，我同女朋友依家開始覺得，一齊瞓到自然醒，再落樓下茶餐廳，食完行下附近嘅小店，最後再去超市補給零食，呢種半退休嘅愛情生活，真係好寫意。
約會中，始終兩個人先係主角。
大時大節，其實做乜都開心，只想有你在身邊。
(PS: 睇完記得撳個Like呀！唔係FB會以為你唔想再睇文，以後我就會「被過濾」，唔會再出現了。)
【雪莎．每天一點小浪漫】如果浪漫需要原因，嚟緊3.14白色情人節係個好日子，食住雪莎，過一個白色浪漫嘅難忘約會。
Raffaello #雪莎 #每天一點小浪漫 #白色情人節 #WhiteForYou
------------------------
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
Search